«Өзенмұнайгаз» акционерлік қоғамына қарасты №2 Мұнай газ өндіру басқармасында №6 Топтық қондырғыда 15 адамға арналған тұрмыстық-шаруашылық кешен пайдалануға берілді.
Нысанның салтанатты ашылу рәсіміне Жұртшылықпен байланыс департаменті директоры Әділ Сүйебай, №2 Мұнай газ өндіру басқармасының директоры Гайдар Каналиев қатысып, топтық қондырғы ұжымына ізгі тілектерін білдірді.
«Жұмыскерлердің еңбек жағдайын жақсарту, әлеуметтік-тұрмыстық бағыттағы жұмыстарды жетілдіру мақсатында көптеген жұмыстар атқарылып жатыр. 2009 жылдан бері мұнайшылардың әлеуметтік-тұрмыстық жағдайын жақсарту бағдарламасы аясында 32 тұрмыстық-шаруашылық кешен, 10 асхана, 75 модулдік операторлық ғимарат іске қосылды. Алдағы уақытта да бұл жұмыстар өз жалғасын табады» деді өз сөзінде Ә.Сүйебай.