Салауатты өмір салтын ұстанатын мұнайшылар Наурыз мерекесінде арқан тарту, ләңгі тебу, қой көтеру сияқты ұлттық ойын түрінен өзара жарысты.
«Жарыста жүйрік озады, күресте күшті жығады» демекші, арқан тартудан І орын №2 МГӨБ, ІІ орын БЖБ, ІІІ орын №1 СҚКБ командалары ие болды.
Ләңгіні 98 рет тепкен Р.Көшкінбай (№1СҚКБ), 24 рет тепкен Е.Исмағұлов (АжТБ), 17 рет тепкен Н.Шүкірбеков (№1МГӨБ) жүлдегер атанып, жеңіс тұғырына көтерілді.
Қойды 74 рет көтерген №1 МГӨБ қызметкері Серік Жаңаберген жеңіске жетті. Қазақтың «Күш атасын танымас» дегені осы!
Жан алып, жан беріскен дүбірлі дода жеңімпаздарына Диплом мен қаржылай сыйлық табысталды.